बदलते रस्ते
बघता बघता रस्ता बदलला
रस्त्यासंगे गाव बदलला
गाव संगतीत माणसं बदलली
माणसांमुळं परिस्थिती बदलली
...तरीही आम्ही चालत राहिलो
काल आज अन् उद्या जगत राहिलो
परिस्थितीपुढे हतबल न होता
न थकता काढत राहू अखेरपर्यंत मार्ग
संस्कृतीच्या परंपरेचा ठेवू टिकवूनी बाज
आत्महत्या तर कधीही करणारं नाही
आम्हाला आहे आमच्या मनगटावर विश्वास
दोस्त हो, तुम्ही फक्त हातात हात द्या
कृषि अन् पूरक व्यवसायास साथ द्या
रस्त्यावरच्या कृषिमालास मनाजोगा भाव द्या
तुमची समर्थ साथ अन् आमचा विश्वास
मिळूनि आपण टिकवू भारतभूमीचा इतिहास
कोणत्याही टिप्पण्या नाहीत:
टिप्पणी पोस्ट करा